Dûrxistina hejmareke navçeyên Kurdistana Sûriyê ji sizayan baş e, lê heger sûd jê were wergirtin

Kurdistan
Wezareta Gencîneya Emerîka hejmareke navçeyên li Sûriyê ji çarçoveya sizaya Qeyser derdixe, û ji wan Kurdistana Sûriyê. Nûnerê berê yê Emerîka li Sûriyê Joel Rayburn ragehand, ev biryar zehmet e li ser erdê were cîbicîkirin, lê derfeteke baş e ji bo vegera jiyana normal ji wan deveran re, herwiha pêwîste rejîma Esed sûdê ji vê biryarê bi ti awayî nebîne. Ji aliyê xwe Serokomarê Tirkiyê Receb Tayib Erdogan got ew vê biryara şaş ya Emerîka qebûl nakin, û ew li hêviya daxuyaniya Serokê Emerîka Joe Biden di vê derbarê de ne heta bi fermî helwesta xwe eşkere bikin, Erdogan gefa operasyoneke nû li Sûriyê xwar. Ev biryara Wezareta Gencîneya Emerîka karvedanên zêde li pey xwe ve anî.Welatiyek dibêje bawer nakim ti sûda vê biryarê ji bo xelkê hebe, û dê berpirsên PYD û PKK sûdekê jê bibînin.Pisporekî abûrî jî dibêje, zehmet e li ser erdê ev biryar were cîbicîkirin, lê di hin waran de serkeftî be mîna pêşxistina kerta petrol, piraniya kelûpel û madeyên sereke heta niha ji Şamê û bajarên din yên Sûriyê têne deverên me, wê demê dê li wir jî buha be, herwiha danûstandin heta niha jî bi Lîreya Sûrî ye.